Pandaigdigang Recession…Ano na kasunod?

Hindi talaga mapigilan ang pagbulusok pababa ng pandaigdigang ekonomiya sa mga panahong ito. Sa araw-araw na nagbubukas ako ng aking computer, tatambad na lang sa aking mga mata ang mga balitang si ganitong kumpanya ay nagbawas ng tao at kung ano ano pa. Ano na ang kasunod pagkatapos nito?

Kahapon lang nakausap ko ang dati kong kasama sa trabaho, at nakumpirma kong ang Intel ay tuluyan nang mawawala sa Pilipinas. Marahil ay hindi matatapos ang taon ay tuluyan nang isasara ang humigit kumulang 30 taong pamamalagi ng factory ng microprocessor at chipset sa Pinas. Malaking kawalan ito, lalo na’t isa sa top exporters ng bansa ang nasabing kumpanya. Kunsabagay, di lang naman sa Pinas, dahil pati sa Malaysia at iba pang bansa ay may isasara rin sila. Humigit kumulang 5000-6000 empleyado nila worldwide ang mababawas na naman.

Narito pa ang ilang balitang tanggalang aking nasagap:

Texas Instruments – magbabawas ng 12% ng global workforce nila o mga 3,400 na trabaho

Pfizer, to buy another big name in pharma – Wyeth

Philips – to cut 6,000 jobs

Caterpillar – will to cut 20,000 jobs

Wala ako masyado balita kung ano pang kumpanya ang nagbabawas ng tao sa Pinas. Pero sa nangyayari ngayon, ano ba ang kasunod? Alam kong kapag nasa ibaba ka, walang ibang way kundi ang umakyat muli, pero ang tanong, hanggang kelan ka mananatili sa ibaba bago ka makaakyat ulit? Kanino ba natin iaasa ang kasagutan sa pandaigdigang krisis na ito?

Basta ako, umaasa ako kay PJ, dahil lahat naman ng meron sa mundo ay galing sa kanya.