Kakesohan, Kadramahan, Karanasan at mga bagay na Walang kwenta kung minsan….
Enero 13, 2011 Mag-iwan ng puna
Mga kakesohan sa buhay…may nakakaaliw, may nakakatawa, may corny, may nakakairita kung minsan, pero masarap marinig kung sinabi sa iyo ng mahal mo di ba? 
naks! kesong keso na naman ang mood ngayon
WARNING: sa mga ayaw ng ka-kornihan, wag na kayong magbasa, at kung mabasa niyo man, wag na kayong magkomento. Gusto ko lang maging keso at corny.
Ingatan mo yang puso mo, andyan ako.
Read more of this post
Enero 9, 2011 Mag-iwan ng puna
Ika 2:34 na ng madaling araw…anong petsa na? Hindi pa din ako natutulog. Bukas ay Linggo, eh ano naman ngayon kung hindi ako matulog?
Hoy mousmous, magsisimba ka bukas ng umaga! Alangan namang pupungas-pungas ka habang nasa church service…tsktsk.
Ang daming bumabagabag? Hindi pala, madami lang masyadong nakakapukaw ng aking atensyon. Tinapos ko ang pag-aayos ng kabilang bahay ko. Totally overhauled, ang mga di angkop at walang saysay na tala ay aking tinanggal…hanggang sa nag-tweet si prend, ayan, umuwi na daw siya habang ako ay abala sa aking bulog.
Sigurado akong tumaas ang kilay niya dahil wala akong email update sa kanya buong maghapon. Oh well, sorry kasi ako’y abala maghapon 
(ang taray).
Nga pala, ilang araw na lang ay exam ko na para sa sertipikasyon na yan. Hindi ko sigurado kung makakapasa ba ako dahil ang konti pa lang ng nababasa ko. Sadyang nakakaumay ang magbasa ng academic subjects…mabuti pa ang mga bulog, mas interesting basahin.
Wala lang…nagkwento lang ako bago ko patulugin ang sarili ko….
Abril 14, 2010 Mag-iwan ng puna
Kung may dapat kinakanta si Sarah Geronimo sa kanyang mga hit concerts, sa palagay ko ay mga sarili niyang recording ang mga ito…Sa ngayon kasi, pansin ko lang na kung ano yung sikat na kanta, yun ang kasama sa repertoire ng concerts niya. Why not, kering keri nga naman niyang i-perform ang mga hollywood at iba pang international music, pero mas maganda sana at mas napapasikat sana kung pinili among sa mga original at revival recordings niya ang mga awiting madidinig sa kanyang mga konsiyerto.
Katulad ng medley na ito mula sa kanyang matagumpay na Record Breaker concert…
Para sa akin, ang gandang pakinggang ng mga bagong areglo ng mga inawit niya. At sa tingin ko din, iyon ang essence ng konsiyerto ng isang mang-aawit, ang ibahagi ang kanyang sariling musika at hindi musika ng iba…
Marso 18, 2010 Mga Puna
Kahapon nakikinig ako sa Good Morning Philippines nina Donna at Chester nang napunta ang usapan nila sa mga prutas. Sabi ni Donna, etong saging daw ay nakakapagpasaya…siyempre nagtanong si Chester kung bakit?
Donna: Eh may nakita ka bang unggoy na malungkot???
Agosto 22, 2009 Mga Puna
Sabi ng marami, ang kalusugan ay maituturing na kayamanan ng isang tao, dahil kung hindi ka malusog, balewala ang kayamanan mo dahil mauubos lang yan sa kakapagamot mo…:P
Sa madali’t sabi, kaya ako nagsulat ngayon eh dahil hindi maganda ang kalusugan ng aking kamay. Ilang araw na, may mahigit kumulang 2 linggo na kung saan, nakakaramdam ang aking kaliwang hinliliit at palasingsingang daliri ng “tingling” at “numbness”. Kung minsa pa ay nanginginig habang ako’y nagpapahinga. Nung isang araw ay nakakuha ako ng appointment sa family doctor namin, kaya lang 1 week bago ako makapunta….hanggang dito kasi mahaba pila sa doctor, di ka naman pwedeng magpalit o pumunta sa kung sinong duktor lang, kelangan pang meron kang personal duktor sosyal!.
Pebrero 4, 2009 1 Puna
Heto na, sa kabila ng krisis saan mang panig ng mundo, wag sana nating kalimutang ngumiti at pasayahin ang ating mga sarili.
Hindi talaga ako maka-get over kapag ito ang pinag-uusapan, siyempre, favorite ko si SG at si Lloydie, tapos pinagsama pa sila sa movie, ang cute. In fairness, talaga namang nakakakilig ang unang pelikulang pinagtambalan nila na A Very Special Love. Quite memorable din ito dahil sa kagustuhan kong mapanood ito noong isang taon, siya namang araw ng pag-alis ko sa Pinas yung premiere night ng nasabing pelikula. Mabuti na lang at may mga mababait pa din tayong prends dun at binigyan ako ng DVD.
Sa ikalawang kabanata ng istorya nina Laida at Miggy, ano naman kaya ang susunod na mangyayari? Siyempre mag-syota na sila dito. hehe
Sa tingin ko naman ay bagay sila, nararamdaman ko naman na may “onscreen chemistry” sila, isa pa, pareho silang may wholesome image. Gusto ko din naman pag ka-partner ni Lloydie si Bea Alonzo, pero siyempre, parang double-prize kapag si SG at Lloydie ang mapapanood ko. ang bias ko talaga. haha
At inilabas na pala ang music video ng bersyon ni Sarah ng awit na ito…makaluma, malumanay, at malambing bias na naman.
more about "Light Moments: "You Changed My Life" …", posted with vodpod
Na-miss ko tuloy si Jeng, ung kaopisina ko dati, kasi nung panahon ng A Very Special Love movie, ginagaya niya din si Sarah sa pagkanta ng awit na ito. Kwela ang bawat umaga namin dahil dito. hay. kaka-miss lang…
*VIDEO SOURCE:
You Changed My Life in a Moment by Sarah Geronimo Official MV, Retrieved February 4, 2009 from http://starcinema.multiply.com/video/item/88/You_Changed_My_Life_in_a_Moment_by_Sarah_Geronimo_Official_MV
Enero 20, 2009 Mga Puna
Ano ba naman etong si Nieerz, nakakapukaw ng atensyon ang kanyang mga posts. Nakakapagod daw ang…
Maging maganda….
Naman…talagang nakakapagod ba? Haha! Bakit nga ba?
Read more of this post
Enero 19, 2009 Mga Puna
Kagabi ay nanonood ako ng ASAP live streaming at siyempre, dahil naka-hookup yun sa free channel sa Pinas, eh pati mga TV ads ay napapanood din namin. Nakaka-miss talaga ang Pinoy sa larangan ng TV advertisements, madaming gimmick at ang ilan sa mga punchline ay talagang tumatatak sa isip…. gaya ng ilan sa mga sumusunod:
AVON:
Bakit ka pa maga-abroad kung may asenso naman dito sa Avon.
LACTUM:
Ikaw, kapanatag ka na ba?
– Claudine, Jodi & Carmina
Mga Nakiusisa