Taking Lipad – SG syndrome

Kahapon ay napadpad na naman ako sa kung nasaan si Sarah Geronimo. Hindi ko naman ginagawa ito, bakit ba ngayon ay di mapigilan ang kaadikan! 😀

Wala lang…gusto ko kasi makakuha ng kopya ng bago niyang album – ang Taking Flight, na Last Song Syndrome kasi ako sa I’ll Be Alright at Kahit Na. Napakagandang mga awitin, anupa’t napakinggan ko lahat ng kanta. Sa kabuuan ay may 11 awit mula sa mga kilalang kompositor, at hindi ako nanghihinayang sa pagbili dahil lahat ay magaganda. Kulang na lang ay ibili ko ng tig-isa isa ang lahat ng nasa bahay namin :D. Pero bakit hindi di ba, e di sa susunod na mall tour ni Sarah ay bibili ulit ako, one por mader, one por pader, one for sister, one por pinsan at one para kay besprend! 😀

Pero kung kaadikan lang din ang pag-uusapan, wala nang aadik pa kay Chris Tin, na naglakbay pa mula Kalookan hanggang Las Pinas. Kumusta kaya ang kanyang biyahe, kinalimutan niya ang lahat ng balakid para lamang makita muli si Sarah. Hindi pa nakuntento ang loka-loka at dalawang beses pumila para magpa-autograph….nakatulog pa kaya siya??? hmmm….napag-alaman ko din na magtutungo pa siya sa susunod na mall tour sa bandang Fairview. kumusta naman ‘yon!

—-

Akala nyo siguro kami lang ang adik! HAHA! pansinin nyo naman ang mga taong ito. Hindi naman kami naipit sa kanila nang animo’y nahatak ng malaking magnet palapit sa stage.

Kanya-kanya lang naman ng peechur dito at peechur doon. Mabuti na lang at nakakaaliw pa din panoorin si Sarah, kahit madaming tao ay di mo makuhang umalis (siyempre, wala naman kasing dadaanan palabas sa dami ng tao) nyahahaha.

—-

Habang naghihintay kay Sarah, eto naman ang mga tagpo nang ako’y napalingon sa itaas para tingnan ang kalangitan kung may nagbabadyang pag-ulan:

Kumusta naman si totoy at mukhang enjoy sa pag-iintay sa itaas 😀

Kaya naman ay umikot ang aking paningin at nasaksihan pa ang ilang mga bata dito:

Talaga bang nakakatulala pag pinanonood si Sarah? weee

Bata 1: Ang tagal naman! kaineeep!

Bata 2: Tumahimik ka na nga lang jan! Rararo muna kami dito! wee