Gising na Gising

Hindi ko alam kung bakit gising na gising pa din ako sa mga oras na ito, matapos ang isang nakakapagod na araw. Kanina lang ay kasama ko si mader, sinamahan niya kasi ako sa doctor para sa follow-up check-up ng aking allergic rhinitis. Mag 4 na buwan na kasi akong inuubo, at isang dosenang bote na yata ng cough syrup ang nainom ko, isama mo pa dyan ang 14 na pirasong zegen, 7 pirasong zorbixol at 5 pirasong ambroxol na unang iniriseta sa akin ng isang doktor, hindi pa din gumaling.

Sabi ni Dr. Jao ay isa daw palang allergic rhinitis ang naturang karamdaman, di naman siya nakakamatay, ngunit sadyang mahirap ang inuubo, kaya ako’y kumonsulta na sa eksperto. Nalaman ko kanina na ang nararanasan ko pala ay persistent type ng AR, at ito ay di sa dahilang polluted na talaga ang kapaligiran, kundi dahil namana ko ang genes ng aking mga ninuno. haha…. Ang polusyon sa kapaligiran ay isa lamang sa nagpapalala ng pag-ubo, kung kaya’t ako’y naiinis sa mga smoke belchers, na kahit may CLEAN AIR ACT ay wala namang ipinagbago. Tila bawat sasakyan pa ngayon ay nag-smoke belch lalo na ang mga walang pakundangang jeepney, tricycle at PUB. (sumegway na naman ako)

——

Anyway, ang nais ko lang naman sabihin gaya ng pamagat ng blog entry na ito ay, gising na gising pa din ako hanggang ngayon. Kung bakit kamo, ito’y sa dahilang ang mga Vedioke adek na mga kapitbahay namin ay umatake na naman. Mabuti sana kung kasing galing sila ni Sarah o di kaya ay ni Erik or Christian or Josh na kumanta. Ang masakit nito, ay masakit sa tenga ang kanilang mga boses, kulang na lang mapatid na mga litid nila sa pagsigaw ng sintunadong kanta. At isama mo pa dyan ang napakalakas na volume ng machine, na tila ay sila lang ang tao sa barangay.

Siguro ay itatanong mo kung nasaan ba sila? Sila’y nasa labas lang naman ng bahay nila, sa tabi ng kalsada ng subdivision na aming kinalalagyan……at kahit anong takip ko ng tenga ko ay walang mangyari, di talaga ako makatulog….kaya good luck na lang sa akin bukas. Sana ay di ako antukin sa church.

Haiz, isang malaking buntunghininga na lang ang katapat nito. Di ko sila pwedeng sawayin dahil sila’y mga pasaway nga! Sana nga lang ay umuulan, ito ang mga panahong mas kinagigiliwan ko ang pag-ulan. Nang sa gayon, ang mga adek ay manahimik!

Bakit ba marami sa mga Pinoy walang respeto sa kapwa? Mabuti sana kung umaga o tanghali, ang kaso ay gabi na…….ay hindi pala…….umaga na…….lumipas na ang gabi…….at walang mga pakundangan! Mabuti na lang may blog! kung wala, ewan ko….at mabuti na lang kahit anong gawin ko ayaw tumaas ng blood pressure ko.

Paliwanag mousmous
Simpleng tao lang po! Paminsan-minsan ay nagiging espiritu para sa mga nakaka-miss sa akin. :D

2 Responses to Gising na Gising

  1. epam70 ay nagsabing:

    nahilo ko doon ah … mabasa nga ulit.

  2. Fau Rafili ay nagsabing:

    sinabi mo pa! napakahirap ng inuubo / at siyempre pati sinisipon (gaya ko) hirap kapag inuubo dahil masakit sa dibdib diba?

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s

%d bloggers like this: